М. Шкетан лÿмеш Марий кугыжаныш драме театр

Тургымым петырыме кечын иктешлена

4 майыште М. Шкетан лӱмеш Марий кугыжаныш драме театрыште 92-шо театр тургымым петырымаш лиеш.
Театрын йолташыже-влаклан тиде кастене «Муро – кумыл, муро – вий» пайрем концертым ончаш темлена. Концертыште театрын чыла артистшы ужын кертыда. Тиде кастенак 92-шо театр тургымым иктешлымаш лиеш. 

Волгыдо, но шӱлыкан пайрем

9 май- Сеҥымаш кече - деч волгыдо, но тунамак шӱлыкан пайремже мемнан элыштына укеат. Тиде Кугу Сеҥымаш пайрем веле огыл, тиде – мемнан вуй ӱмбалнына тыныс кава лийже манын, илышыштым чаманыде, тушман ваштареш кредалше-влакым шарныме кече. 3 майыште «Дорогами войны» сылнымут-сылнысем композиций театрын сценыж гыч уэш йоҥга.
Чыладамат кумылын вучена!

Поро йӱлам мондаш ок лий

17 апрельыште мемнан театрыште Чуваш театрын кечыже эртыш. Мемнан дене К. Иванов лӱмеш Чуваш академический драма театр уна лие. Пошкудо республика гыч толшо артист-влак чуваш драматург А. Порттан «Окса шинчам йымыктара» спектакльжым ончыктышт.

Студентна-влак – Москосо Кугу театрыште

16 апрельыште Москосо Кугу театрын сценыштыже «Шӧртньӧ маске» Национальный театр премийым кучыктеныт. М. Щепкин лӱмеш Театр институтышто тунемше марий ӱдыр-рвезе-влакат тиде фестивальыште лийыныт. Тидыже, мтат уке, мемнам куандара: вет тыгай кӱкштына фестивальыште лияш пиал кажныжланак огыл шыргыжалеш. Марий ӱдыр ден рвезе-влакын ойлымышт почеш, нунылан чылажат моткоч келшен, артистлан тунемаш эшеат чотрак кумылаҥден.

Ила гын, пел курым темеш ыле

Артист Геннадий Васильевлан 3 апрельыште 50 ий темеш ыле. Тидын дене кылдалтшын, 7 апрельыште тудын шочмо кундемыштыже, Шернур районысо Марисола тӱвыра пӧртыштӧ, шарнымаш кас эртен. Уста актерын илышыже да усталык пашаж нерген каласкаленыт.

«Кугэрге» спектакль Гран-прим сеҥен налын

20 гыч 30 март йотке «Йошкар-Ола театральный» фестиваль эртен. Тудо Российысе Театр пашаеҥ-влак ушемын Марий региональный отделенийжым ыштымылан 70 ий теммылан пӧлеклалтын. Йыван Кырла лӱмеш Национальный театральный премийын лауреатше-влакым шокшын саламлена:

27 март – Театр тӱнямбал кече

Театрын тӱнямбал кечыже кажне ийын 1962 ий гыч палемдалтеш. Тыгай пунчалым 1961 ийыште Вена олаште ЮНЕСКО пеленсе Театрын тӱнямбал институтшын 9-ше конгрессыштыже лукмо.
М. Шкетан лӱмеш Марий кугыжаныш драма театр воктенсе скверыште марий драматургийлан негызым пыштыше Яков Павлович Майоров-Шкетанлан памятник воктек Театр кечын 10 шагатлан Марий Эл Республикын Кугыжаныш Погынжын вуйлатышыже Юрий Минаков театр пашаеҥ-влак дене пырля пеледыш аршашым пышта.

Театр сӱретче-влакын выставкышт

22 мартыште 16 шагатлан Республикысе театрлаште сӱретчылан тыршыше-влакын тӱшка выставкышт почылтеш. Тудо Российысе театр пашаеҥ-влак ушемыштын Марий отделенийжылан 70 ий теммылан пӧлеклалтын. Выставкым ончаш Республикысе изобразительный искусство музейыш (Йошкар-Ола, Гоголь урем, 15) ӱжына. 

«Йошкар-Ола театральный-2012»

20-30 мартыште Марий Элын рӱдолаштыже «Йошкар-Ола театральный» фестиваль эрта.
М. Шкетан лӱмеш Марий кугыжаныш драме театр ты фестивальыште кок пашажым ончыкта: 23 мартыште И. Зайниевын пьесыж почеш шындыме «Поро пошкудо – пел кудо», а 25 мартыште А. Вампилов почеш «Кугэрге» комедий-влакым ончаш ӱжына.

«Ойырледа? Огына ойырло…»

15 мартыште М. Шкетан лӱмеш Марий кугыжаныш драме театрыште Мария Илибаеван «Ойырледа? Огына ойырло…» комедийже почеш премьера лие.
«Ойырледа? Огына ойырло…» пьеса ӱмаште «Эн сай пьеса» конкурсышто кумшо верым сеҥен налын.