|
«Еврокомфорт» торгайыме рÿдер генеральный директорын внешне-экономический йодыш дене алмаштышыже Татьяна Герасимова дене вашмутланымаш.
- Тиде мероприятийым эртараш кöн ойжо лийын?
- Кум ий ончыч «Еврокомфорт» торгайыме рÿдерын генеральный директоржо Сергей Михайлович Есменеев пашаеҥже-влак дене пырля У ий вашеш пöлекым мöҥгышкак намиен пуэден. Тыге йоча-влакын могай условийыште илымыштым ужын, нунылан полшаш кÿлмö шотышто ойым пидын.
Ешлан да йоча-влаклан социльный полышым пуышо Йошкар-Оласе рÿдер, 17-ше да 15-ше номеран школласе администраций пашаеҥ-влак дене пырля кугу тÿткыш деч посна кертдыме йоча-влак спискым ыштышна. Пÿтынь олам авалтен шына керт, садлан кöра шке районым, вес семын каласаш гын, «Еврокомфорт» ТЦ верланыме кундемым авалташ лийна.
Кок ий почела йоча-влаклан пöлекым налаш Сергей Михайлович оксам ойырен, тений вес организаций-влакат мемнан дек ушненыт. Санденак мероприятият кумданрак эрта: У ий вашеш представлений, спектакль, пöлек да тыгак йоча-влакым эше сийлена. Тидыже, мутат уке, йоча-влаклан моткоч келша, куан кумыл нунын вигак палдырна. Тыгай годымжо шоналтетат: кöжö веселарак – икшыве але кугыеҥ?
- А молан лач театрыш кондаш лийында?
- Театр – тиде йомак, куан. Театр деч молыжо куанлырак лийын кертеш мо? Мыйын шонымаште, шукын тыге шонат. Йомак вет йоча-влаклан веле огыл, кугыеҥ-шамычланат келша.
- Ончыкылыклан мом палемденда?
- Йоча-влак дене ончыкыжымат тыгак пеҥгыде кыл лийшаш, вет нунын шинчаштышт весела кумыл шижалтеш гын, тидыже мыланна, кугыеҥ-влаклан, сай веле.
Мероприятийым эртареныт:
– «Еврокомфорт» ТЦ-ын «Еско» ООО-жо, генеральный директор Есменеев Сергей Михайлович; генеральный директорын внешне-экономический йодыш дене алмаштышыже Герасимова Татьяна Михайловна.
– Шкетан лÿмеш Марий кугыжаныш драме театр, директор Русанов Юрий Петрович
– Ешлан да йоча-влаклан социльный полышым пуышо Йошкар-Оласе рÿдер, директорын алмаштышыже Щекотова Нина Борисовна
–17-ше номеран школ администраций, директорын алмаштышыже Ольга Валерьевна Зверева.
– 15-ше номеран школ администраций, директорын алмаштышыже Вера Ивановна.
Спонсор полышым пуымылан ме моткоч чот тауштена:
ИП Борис Анатольевич Ведерниковлан, Людмила Семеновна Ведерниковалан.
«ОТК Пресс» ООО-н генеральный директоржо Андрей Николаевич Чаловлан.
«Саксэс» ООО-лан, Ренат Булатовлан.
«Известия Марий Эл» газет редакцийлан, тÿҥ редакторжо Александр Дмитриевич Слободенюклан.
«Ваш Новый День» газет редакцийлан, тÿҥ редакторжо Владимир Анатольевич Хрипченколан.
«Лукойл» ОАО-лан, Юлия Андреевналан, Александр Александрович Соколовлан.
«Йошкар-Олинский ремонтный завод» ОАО-лан, генеральный директоржо Юрий Валентинович Четверяковлан.
«Интерлайн» ООО-лан, генеральный директоржо Рита Рамазановна Маликовалан.
«Ляйсан» ООО-лан («Фестиваль» кафелан), Раина Махумутовна Гайсиналан.
Чылалан моткоч кугу тау! |
иду и друзей беру
