Марийский национальный театр драмы им.Шкетана

Овдасола – Шернур районысо Марисола ял шотан поселенийыш пурышо изи гына тымык сӧрал ял. А кодшо курымышто ты ялыште шочшо уста актёр Геннадий Васильев да марий калыкын йӧратыме мурызыжо Василий Павлов тудым утыр сылнештареныт, у кӱкшытыш нӧлтеныт. Геннадий Васильевшылан, ила гын, тений 3 апрельыште витле ий темеш ыле.

"Марий Эл", 2012 ий 4 апрель

Марий комедийым рӱдӧ театрыште шындымылан – 60 ий
Але марте ик марий пьеса гына Моско театрыште шындалтын. Тудым Ермолова лӱмеш театрын сценыштыже ужмеке, моло республикысе режиссёр-влакат шке денышт модын ончыкташ кумылаҥыныт. Марий драматургын возымыжо тунам СССР границымат вончен - пьесым София олаште болгар йылмыш кусарен савыктыме.
Тыгай чапле пӱрымашан лийын Арсий Волковын «Ксения» пьесыже. Тудым рӱдоласе театрыште икымше гана модмылан тений 29 мартыште 60 ий темеш.

«Марий Эл» 2012 ий 28 март

Российын сулло артистше Майя Романован теҥгече лӱмгече шочмо кечыже лийын
Ош шовычым вачыш пышталын,
Экраныш волгалтын пура.
Сар шӱшпыкла йӱкшӧ йоҥгалтын –
Романова Майя мура...

«Марий Эл» 2012 ий 24 март

М.Шкетан лӱмеш театр кодшо изарнян сценыш адак у пашам лукто. Тиде Мария Илибаеван «Ойырледа? Огына ойырло!» пьесыж почеш шындыме тыгаяк лӱман спектакль ыле.  Тудо драматург-влакын пытартыш конкурсыштышт кумшо верым налын. Теве пеш кӱчык жапыште калык деке миенат шуо.

«Марий Эл» 2012 ий 20 март

М.Шкетан лӱмеш театр кодшо изарнян сценыш адак у пашам лукто. Тиде Мария Илибаеван «Ойырледа? Огына ойырло!» пьесыж почеш шындыме тыгаяк лӱман спектакль ыле.  Тудо драматург-влакын пытартыш конкурсыштышт кумшо верым налын. Теве пеш кӱчык жапыште калык деке миенат шуо.

«Марий Эл» 2012 ий 20 март

Да, улыжат кок касым пӧлеклыш мыланна Марий Элын сулло артистше Артем Асмаев. Февраль мучаште М.Шкетан лўмеш национальный театрын сценыштыже тудо «Улыжат вич кас» ден «Роза-Розмарий» спектакльлаште модо. Мыланна тиде кок кас моткочак шерге ыле, вет Асмаевым ынде шонымо семын ужын огына керт, тудо таче  Башкортостанысе Самырык-влак театрын актержо, Марий Элыш унала веле толын. А Марий театр гыч кайымыжым ончышо шижде кертын огыл. Тиде актер мемнан сценым сӧрастарен. Сӧрастарен, эн ончычак, виян роль-влакым ыштымыж дене. Сӧрастарен шкенжын чатка кап-кылже, веселан шыргыжал колтымыж дене. Кеч-мом ойло, но  сцена моторым йєрата.

«Марий Эл», 2012 ий 3 март

- ойла Марий Элын сулло артистше Артём Асмаев.
Кодшо кугарнян да шуматкечын, 24 ден 25 февральыште, М.Шкетан лӱмеш Марий кугыжаныш драме театрыште сценыш Марий Элын сулло артистше Артём Асмаев лекте. Тудо «Улыжат вич кас» да «Роза-Розмарий» постановкылаште модо.
Кок спектакльжымат ончаш мийышым. Артём калык ончык тургыжланенрак лекте. Но вара тыгела модо, пуйто ты театр гыч каенат огыл: чоным пыштен, кумыл нӧлтын, уло вийым пуэн. Пеҥгыде туп-вачан, кӱкшӧ капан, чапле йӱкан артистнам шукертак сагыненна ыле.

«Кугарня», 2012 ий 2 март

Актёрын могай улмыжым аклыме ик пале – шинча. Сценыште тудо йӱла гын, тугеже тиде чынжымак артист, маныт. Марий Элын калык артисткыже Ольга Харитонован шинчаже тачат торашкак волгалтеш.  Тугеже тудо, чынжымак, геройжын илышыж дене ила, тудын чонышкыжо пурен,  рольым чоҥа. Чын, кодшо изарнян «Йӧратымаш? Йӧратымаш! Йӧратымаш…» (Л.Яндаков) спектакльыште молгунамсе деч ойыртемалте, шижмашым шылтенрак модо. Амалжым  варарак шкежат умылтарыш...

«Марий Эл», 2012 ий 18 февраль 

Кодшо кушкыжмын, 31 январьыште, М.Шкетан лӱмеш марий национальный театрыште эртыше касым иктешлен, тиде кечым Марий Элыште Коми культурын кечыже семын палемдаш келшен толеш. Тудо сценыште коми драматург А.Поповын пьесыж почеш шындыме «Эх, кушто ӱдырым муаш?» спектакльын премьерыжым модын ончыктымо дене кылдалтын ыле.
Ончаш толшо калыкым воштончышан фойешке театр мучко йоҥгалт кайыше гармонь сем шупшыльо. Тушко ӱдырамаш-влакын шыма да яндар йӱк дене мурымышт ушныш. Тиде «Сипертас» фольклор коллективын самодеятельный артистше-влак коми калык мурым йоҥгалтареныт. Тыште тыгак пошкудо-влакын тӱрлӧ савыктышыштым налаш йӧн лийын. А фотохудожник-влакын изирак выставкышт йӱдвел кундемыште илыше родына-влакын илышышт гыч посна тат-влакым почын пуэн.

"Марий Эл", 2012 ий 2 февраль

31 января столице республики Марий Эл Йошкар-Оле пройдёт День Республики Коми.
В национальном театре драмы им. М.Шкетана состоится премьера спектакля «Эх, кушто ÿдырым муаш?» ("Женись, сынок, женись») по пьесе коми драматурга Алексея Попова.
Перед началом спектакля перед зрителями выступит фольклорный коллектив села Нившера «Сипертас».

Независимая газета Республики Коми "Красное знамя", 25 января 2012 г.